Kơxo lơ 15/9, ing pơkuâ dêi pôa Nguyễn Văn Nên, Kăn cheăng tung Khu xiâm kal kí, Kăn pơkuâ hnê ngăn cheăng Đảng Pơlê kong kân Hồ Chí Minh, Hneăng hôp tơpui ‘na cheăng kâ tơmiât la ngiâ kơdroh mơ’no trếo ‘mêi lo hyôh pakong ƀă xơrô’’. Pôa Lê Minh Khái, Ngế pro xiâm phŏ hnê ngăn tơnêi têa troh veăng ƀă xông tơpui a hôp tơpui tơno.

Tung xông tơpui hnê mơhno Hneăng hôp tơpui tơno, pôa Lê Minh Khái mơnhên, “Tơtêk rơdêi – Troăng prôk la ngiâ kơdroh mơ’no trếo ‘mêi lo pakong kong prâi ƀă xơrô’’ cho môi tơdroăng ki kal khât ƀă kơnâ, tơtro ƀă troăng mơnhông mơdêk krá tơniăn nôkố tung lâp plâi tơnêi. Hneăng hôp tơpui tơno tơkŭm châ mâu ngế rơkê ki loi tơngah tung tơnêi têa ƀă kong têa ê, kô djâ mâu tơdroăng hlê plĕng nếo, mâu troăng pêi rơkê, mâu túa pêi ki rơkê kơnía kô kum Pơlê kong kân Hồ Chí Minh tung tơdroăng pêi pro châ tơƀrê troăng hơlâ, troăng pêi ton xŏn ƀă troăng hơlâ dêi Đảng, Chin phuh ‘na mơdêk ngiât ƀă mơnhông krá tơniăn ton.