Tiô tơdroăng pơkâ, pôa Trịnh Văn Quyết, Kăn pơkuâ hnê ngăn Đảng, Kăn hnê ngăn Khu xiâm cheăng Kal kí lêng châ pơto kơlŏng ing Thươ̆ng tươ̆ng to Đăi tuơ̆ng. Mâu vâi kăn ki châ pơto kơlŏng ing Trung tươ̆ng to troh a Thươ̆ng tươ̆ng cho mâu pôa ki hiăng krâ kơlŏng Phŏ Ngế xiâm ngăn ‘na lêng, mê cho: Nguyễn Hồng Thái, Nguyễn Văn Hiền, Nguyễn Trường Thắng; pôa Nguyễn Ngọc Quang, Phŏ Kăn hnê mơhno cheăng lêng; ƀă mâu phŏ Ngế xiâm hnê ngăn Kŏng an, cho pôa Phạm Thế Tùng, Nguyễn Ngọc Lâm.

Kăn xiâm hnê ngăn tơnêi têa hâk kơdeăn, rơkâu mơnê, vêh mơnhên kố cho tơdroăng ki mơnhên tối, hâk mơnê dêi Đảng, Tơnêi têa ƀă mâu hnoăng ki pleăng cheăng ki kân tung kring vế, rak ngăn Tơnêi têa. Pôa loi tơngah mâu kăn xiâm lêng, kăn xiâm kŏng an pơtối mơdêk hiâm mơno, ivá cheăng, pêi pro kêi đeăng hnoăng cheăng, tơxâng ƀă kơlŏng ki hiăng châ diâp mê.