Pôa Trần Thanh Mẫn, Kăn xiâm hnê ngăn Kuô̆k hô̆i mơdêk tơrŭm têa châu têa kơxăng ƀă Petronas Malaysia
Thứ năm, 13:40, 18/09/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxê lơ 17/9, tung rôh veăng hôp a Hneăng hôp hô̆i đong AIPA-46 ƀă rôh pôu păng ‘nâng Malaysia, pôa Trần Thanh Mẫn, Kăn xiâm hnê ngăn Kuô̆k hô̆i hiăng pôu ƀă pêi cheăng ƀă kăn pơkuâ Grup Têa châu Tơnêi têa Malaysia (Petronas).
Kăn xiâm hnê ngăn Kuô̆k hô̆i mơnhên tối khât mâu ivá veăng gum dêi Petronas ƀă tơdroăng gâk kring rak têa châu têa kơxăng Việt Nam ƀă tơrŭm pơla Việt nam – Malaysia. Pôa tối tiah kố, tơrŭm cheăng têa châu têa kơxăng pơla péa pâ ối ai hên ki ai hlâu tung pơla mâu kong têa mơdêk rơdêi pơhlêh on tơhrik.
Kăn xiâm hnê ngăn Kuô̆k hô̆i pói rơhêng vâ Petronas pơtối tơrŭm rơtế ƀă Việt Nam, rak tơniăn tŭm têa châu têa kơxăng, ton hơnăm; po rơdâ tơrŭm tung têa châu ngiât, vêh pro; tơbleăng tơƀrê mâu tơdroăng tơkêa, pêi pro tiô luât péa tơnêi têa. Tơdrêng amê, hlối pơkâ thế Petronas gum hnê mâu ngế pêi cheăng, hnê ‘na kong ngê̆, malối cho mâu tơdroăng tơkêa on tơhrik rơxông nếo tiô tối hdrối kô ăm tí tăng hrik tê mơdró sap ing hơnăm 2025.
Viết bình luận