Kơxê lơ 17/9, Khu xiâm pơkuâ lêng kong pơlê Dak Lak tơkŭm po trâm mâ mơngế ki kuăn pơlê loi tơngah tung kuăn pơlê hdroâng kuăn ngo. Lâp kong pơlê nôkố ai lối 1.060 ngế ki kuăn pơlê loi tơngah, ối tung 49 hdroâng mơngế.

A roh trâm mâ, mâu kăn teăng mâ tối túa ki rơkê tơtro tung tơdroăng pơtâng tối mơhnhôk kuăn pơlê, tơleăng, mơjiâng thôn pơlê nếo, mơhnhôk rơtăm lăm pro mô đô̆i. Xông tơpui a roh trâm mâ, Đăi tă Niê Ta, Kăn pơkuâ Khu pơkuâ lêng kong pơlê Dak Lak mơnhên tơdroăng veăng kum kân dêi krâ pơlê, kăn pơkuâ pơlê, ngế ki kuăn pơlê loi tơngah ƀă hnoăng cheăng gâk kring tơnêi têa, khu lêng a kong pơlê.

Đăi tă Niê Ta pơkâ thế pơtối tơdjêp tơtro luât ƀă vêa vong, pơtâng tối, mơhnhôk kuăn pơlê pêi pro troăng prôk, troăng hơlâ dêi Đảng ƀă Tơnêi têa. Roh kố, Khu xiâm pơkuâ lêng kong pơlê diâp mơ-éa kheăn kơdeăn ăm 30 ngế krê ki kơhnâ rơkê tung pêi pro hnoăng cheăng gâk kring tơnêi têa, veăng gum mơjiâng tơdroăng cheăng tâi tâng kuăn pơlê veăng gâk kring.