Tơbleăng a rôh pêi cheăng, pôa Tô Lâm tối ăm ‘nâi, ki khât a mâu kong pơlê dế pơkâ xúa yă tơnêi lối kơnâ, chiâng pro kơxô̆ liăn nâp drêng pro hlá mơ-éa chêl tơnêi drêng xo tơvêh vâ pro mâu tơmeăm khoăng chiâng to kơnâ, pro yă tơnêi to tiô há ƀă tơdjâk hên tơdroăng ki ê. 

Ing tơdroăng mê, pôa Tô Lâm tối nhên troăng hơlâ, tuăn tơmiât dêi tơdroăng tơkêa bro thế xúa tro ki pơxúa dêi tơnêi troh tơdroăng ki pơxúa tơnêi tơdâng tơ’mô, tơƀrê, mơdât mơ’nhiê kâ liăn tê kơtê, malối cho mơdât khu ki tăng kâ liăn pro pơxúa ăm tơná. Xua tơnêi cho xiâm ki kân, cho tơmeăm vâ pêi chiâk dêi tơdroăng cheăng kâ, kố cho tơdroăng ki tơmiât dêi Đảng ƀă tơnêi têa.  

Kăn xiâm pơkuâ hnê ngăn Đảng tối nhên, mâu tơdroăng tơmiât vâ pêi la ngiâ kân tâ ƀă mâu luât pơkâ ki kal dêi tơdroăng tơkêa bro Luât Tơnêi (‘mâi hơ’lêh), kal pơkâ tâi tâng mâu luât ki ai tơdjâk troh mâu tơdroăng tung kơvâ pro hnoăng mơhá, hngêi ối, tê mơdró tơnêi hngêi trăng, pơkâ ‘na tơnêi tơmeăm khoăng.