Pôa Lương Cường, Kăn xiâm hnê ngăn tơnêi têa lăm pôu pêi cheăng a Peru, veăng Măng tĭng leh Khu râ kăn xiâm APEC
Thứ tư, 14:12, 13/11/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng – Kơxê lơ 12/11 tiô chôu a kong têa ê, pôa Lương Cường, Kăn xiâm hnê ngăn tơnêi têa ƀă Khu râ kăn xiâm Việt Nam pơxiâm lăm pôu pêi cheăng Kŏng hoa Peru ƀă veăng Măng tĭng leh Khu râ kăn xiâm Hneăng hôp tơpui tơno Tơrŭm cheăng kâ Châu Á – Thái Bình Dương (APEC) 2024 a Lima, Peru tiô rơkong krếo thế dêi jâ Dina Ercilia Boluarte Zegarra, Kăn xiâm pơkuâ kong têa Peru.
Roh lăm pôu pêi cheăng châ pói tơngah cho tơdroăng ki hdró mơnhông mơdêk, kum rak krá tơniăn xiâm kối tơrŭm kal kí lĕm tro pơla péa tơnêi têa, mơdêk châ tơƀrê tơrŭm cheăng tung kơvâ tơmeăm ki ai hlâu ƀă tơmiât la ngiâ djâ tơrŭm cheăng to a râ a’ngêi nếo.
Pakĭng mê, tơdroăng Kăn xiâm hnê ngăn tơnêi têa veăng Măng tĭng leh Khu râ kăn xiâm APEC 2024, tro a roh leh tơbâ 35 hơnăm mơjiâng Hôp tơpui tơno, pơtối mơnhên tơdroăng veăng kum châ tơƀrê, pôu râng hnoăng cheăng dêi Việt Nam tung tơdroăng tơleăng mâu tơdroăng kơpong ƀă lâp plâi tơnêi, ki rơhêng vâ tối mơdêk tơdroăng tơdjêp cheăng kâ lâp plâi tơnêi, mơjiâng ivá nếo ăm tơtêk dêi kơpong; pơtối rak krá tơniăn hnoăng dêi APEC cho hôp tơpui tơno cheăng kâ ối má môi.
Viết bình luận