A rôh pêi cheăng, kăn pơkuâ hnê ngăn Đảng péa to kong pơlê hiăng pơchuât tơbleăng tơdroăng kal kí, pơchuât tối tơdroăng ki tơná pêi pro tá hâi tro, tơdroăng pơkâ ‘na mâu ngế pêi cheăng ƀă kơxop hlá mơ-éa pơkâ pêi pro nhên tâ troăng hơlâ ‘mâi mơnhông tơdroăng pêi ki ối ‘ro, tŏng gum tơdroăng xơpá mơnhông, mơnhên tối nhên hnoăng cheăng ki kal, troăng tơmiât mơnhông troh hơnăm 2045.

Mơgêi, pôa Lương Cường, Kăn xiâm hnê ngăn tơnêi têa tơmâng xo ivá mơ-eăm dêi péa to kong pơlê, môi tuăn ƀă kơxop mơ-éa, pơkâ thế pơtối tơmâng xo mâu rơkong tơpui tối Khu xiâm pơkuâ tơdroăng kal kí, malối cho hnê mơhno dêi pôa Tô Lâm, Kăn xiâm pơkuâ hnê ngăn cheăng Đảng, vâ pêi pro klêi.

Kăn xiâm hnê ngăn tơnêi têa xuân pơkâ thế mơjiâng pro tơdroăng pêi pro nhên, tro mơngế, tro tơdroăng cheăng, tro tơdroăng pro, chiâng vâ tơbleăng pro tơdrêng klêi Hneăng hôp, rak vế tơniăn pêi châ tơdroăng púi vâ troăng ngăn ƀă troăng tơmiât mơnhông tung hneăng nếo.