Pôa Lương Cường Kăn xiâm hnê ngăn tơnêi têa tối nhên hneăng lăm pôu dêi Ngế xiâm Robert Dussey ƀă mâu kăn  Togo ai pơxúa kal khât, veăng mơnhông tâ nếo tơrŭm cheăng péa pâ ƀă tơrŭm hên tơdroăng cheăng pơla péa tơnêi têa, mâlối tung pơla Việt Nam ƀă Togo dế pêi pro tơdroăng cheăng vâ troh tơbâ 50 hơnăm hâi mơjiâng tơrŭm  tơpui kâ (08/02/1975 - 08/02/2025).

‘Na tơrŭm pêi chiâk, ƀă ‘na tơbleăng pêi hên tơdroăng tơkêa pro tơrŭm pêi chiâk pái pâ châ tơƀrê a châu Phi, tung mê ai Togo ƀă tung hnoăng cheăng cho môi tung mâu kong têa tê kế tơmeăm pê lo ăm kong têa ê ki má môi tung lâp plâi tơnêi, Kăn xiâm hnê ngăn tơnêi têa ăm ‘nâi, Việt Nam vâ tơrŭm tơbleăng mâu tơdroăng tơkêa bro ‘na tối ăm ‘nâi tơdroăng cheăng, pơcháu kŏng ngê̆ pơtroh mâu ngế rơkê tung kơvâ pêi chiâk deăng.