Ngế pro xiâm hnê ngăn Chin phuh tối ăm ‘nâi, klêi kơ’nâi mơdêk tơrŭm cheăng ton xŏn tâi tâng, tơrŭm cheăng pơla Việt Nam – Mih pơtối mơnhông mơdêk prôk trâu hơhngế, păng ‘nâng, mơjiâng xiâm kối krá tơniăn ăm tơrŭm cheăng kâ, tê mơdró, mơ’no liăn cheăng ƀă tơrŭm tung mâu kơvâ pơla péa pâ.

Tung hơnăm 2024, hên khu tê mơdró kâ dêi Mih ai pơkâ mơ’no liăn cheăng ƀă po rơdâ mơ’no liăn cheăng a Việt Nam; tơrŭm hnê hriâm, hnê mơjiâng, Ngế pro xiâm hnê ngăn tơnêi têa pơkâ thế Grup pơkuâ Berggruen Holdings hriăn plĕng mơ’no liăn cheăng tung mâu tơdroăng tơkêa bro ki kal khôi túa lĕm, tơdroăng roh ton nah, gum tơbleăng khôi túa lĕm Việt Nam troh a kong têa ê, lâp plâi tơnêi pro xiâm kối khôi túa lĕm pêng păm mơngiơk hdroâng kuăn mơngế dêi Việt Nam.

Môi tuăn ƀă pơkâ dêi Ngế pro xiâm hnê ngăn Chin phuh, pôa Nicolas Berggruen tối ăm ‘nâi, Grup pơkuâ Berggruen Holdings hbrâ tơrŭm cheăng, mơ’no liăn cheăng, tŏng gum Việt Nam tung hnê mơjiâng mơngế pêi cheăng, a ngiâ tŏng gum hnê mơhno ăm Việt Nam mơjiâng môi kơxô̆ liăn vâ mơ’no liăn cheăng mơnhông mơdêk, tơtro ƀă troăng pêi cheăng ton xŏn mơnhông dêi Việt Nam, ƀă hnoăng cheăng ki Đảng Kŏng san Việt Nam mơnhên cho djâ ăm tơdroăng rêh ối phâi hơtô, hơniâp lĕm tâ ăm kuăn pơlê.