Khu lo tŏng veăng kong pơlê Dak Lak dế tơbleăng tơdroăng “Têt Hơ-ui gum” Rơnó Hơngui Ất Tỵ  hơnăm 2025 ƀă hên tơdroăng pêi pro ai pơxúa, mơhno tơdroăng ki tơmâng tŏng gum dêi tâi tâng pơlê pơla ƀă mâu ngế ki châ tơnêi têa gum, ngế ki ai tơdroăng rêh pá puât a kong pơlê. Têt kố, Khu lo tŏng veăng kong pơlê Dak Lak mơ-eăm rak ngăn, tŏng gum lối 65 rơpâu ngế kơtiê, ngế ki ai tơdroăng rêh ối pá puât, ngế ki tơ’lêi trâm mâu tơdroăng pá.

Vâ pêi châ tơƀrê mâu tơdroăng pơkâ, nôkố rêm râ tung kong pơlê dế veăng tơdjuôm ivá ƀă mâu khu tơrŭm, mâu ngế krê, khu mơdró kâ ‘măn kơdĭng liăn rơtế tơdjuôm ivá tŏng gum Têt ăm mâu kơtiê. Jâ Trần Thị Phương Thu, phŏ kăn hnê ngăn Khu lo tŏng veăng kong pơlê Dak Lak ăm ‘nâi: Ing mâu tơdroăng pêi pro kố, Hô̆i rơhêng vâ ôh ti xê to tŏng gum liăn ngân mê ối vâ pro tơdjâk ki kơnía ‘na hiâm mơno tŏng gum, tơrŭm tung pơlê pơla, gum rêm ngế châ tơdah Têt tơniăn, hơniâp ro.