Pơkâ mê ai tối nhên: Tơniăn bê tŭm on tơhrik tơnêi têa, xing xoăng bê on tơhrik cho môi tung mâu tơdroăng ki xiâm tơniăn mơnhông cheăng kâ ƀă pơkâ tơtêk cheăng kâ lâp tơnêi têa hơnăm 2025 mơ-eăm châ 8% ƀă tơtêk cheăng kâ hneăng hơnăm 2026 – 2030 mơ-eăm a kơlo 2 kơxô̆, pơkâ thế on tơhrik tơtêk 1,5 xôh, tiô tối hdrối rêm hơnăm sap ing 12% troh 16%. Vâ hbrâ mâu troăng pêi ing rĕng, ing hơhngế, tơniăn ôh tá ăm ai tơdroăng: ôh tá bê on tơhrik, Ngế pro xiâm hnê ngăn Chin phuh pơkâ mâu kong pơlê, tíu cheăng tơkŭm pêi pro hnoăng cheăng xing xoăng tŭm on tơhrik kum mơnhông cheăng kâ rêh ối pơlê pơla 2025 – 2030, tơniăn bê on tơhrik tơnêi têa tung rơxông nếo, ngăn kố cho hnoăng cheăng kal kí ki kal.

Tơkŭm séa ngăn, hriăn plĕng Pơkâ on tơhrik tiô tơdroăng pơcháu má VIII vâ teăm tơdrêng mâu pơkâ, pơkâ ton xŏn ‘na mơnhông cheăng kâ rêh ối pơlê pơla; tơ’nôm mâu tơdroăng pơkâ on tơhrik nếo, on tơhrik krúa lĕm kong prâi, krá tơniăn.