Pôa Tô Lâm Kăn xiâm pơkuâ hnê ngăn Đảng rơkâu, khĕn kơdeăn ki  mơ-eăm, hiăng mơ-eăm tơplâ ƀă mâu tơdroăng ăm hlo, hnoăng ki Đảng ƀô̆, mâu Kăn ƀă Kuăn pơlê kong pơlê hiăng pêi châ tơƀrê tung mâu hơnăm hdrối, malối cho hơnăm 2024, pro xiâm vâ kong pơlê Hưng Yên tơdrêng ƀă lâp tơnêi têa xông mot “pêi cheăng tung rơxông nếo - Rơxông mơ-eăm mơnhông tơná dêi hdroâng mơngế Việt Nam”.  

Kăn xiâm pơkuâ hnê ngăn Đảng tối nhên, hơnăm 2025, Đảng ƀô̆ kong pơlê Hưng Yên hal hlê tro, trâu tâ nếo ‘na tơdroăng nôkố ƀă tơdroăng ki hlo tơdjuôm; ‘nâi nhên tơmeăm khoăng ki ai hlâu tung kong pơlê, ki rơdêi dêi kong pơlê vâ ing mê pơkâ mâu tơdroăng cheăng pêi, tiô pơkâ, rah xo tơdroăng cheăng pêi ki kal ƀă pêi tơƀrê vâ tơkŭm pơkuâ hnê, mơhno, pro pơhlêh nếo, rơdêi tâ tung mơnhông cheăng kâ-rêh ối pơlê pơla, mơjiâng Đảng ƀă khu cheăng kal kí krúa rơdêi.

Kong pơlê pơtối pơkuâ, hnê mơhno thâ pêi, pêi kơtăng, rơhéa xing xoăng khu ngế cheăng kal kí râ kong pơlê, râ tơring “rah iâ tê mơngế ki pêi cheăng rơdêi, pơxúa tơƀrê’’, tro tiô hnê mơhno, troăng hơlâ hnê mơhno dêi Tíu xiâm, tơtro ƀă tơdroăng rêh ối dêi kong pơlê; Tơmâng tơleăng mơnhên   tơdroăng pơkâ ăm kâ liăn, pêi pro tro tơdroăng cheăng kal kí tuăn mơno ƀă mâu kăn ƀô̆, kŏng chưk, viên chưc, mơngế pêi cheăng.