Kơxo lơ 22/9 (tiô chôu Việt Nam), pôa Lương Cường, Kăn xiâm hnê ngăn tơnêi têa prế kơdrâi pôa rơtế ƀă khu râ kăn xiâm Việt Nam hiăng troh a New York, kong têa Mih, veăng hôp a Rôh hôp tơno tơno tơdjuôm khu râ kăn xiâm Hneăng hôp kân Khu lâp kong têa hneăng 80. Kố cho rôh pêi cheăng ki hên tơdroăng apoăng dêi kăn xiâm hnê ngăn tơnêi têa a rôh hôp lâp plâi tơnêi kân má môi, tơdrêng amê hlối hdró 2 hơnăm mơjiâng tơrŭm cheăng ƀă kong têa tơrŭm tung la ngiâ tŭm têk Việt Nam – Mih.

Vâ chê 50 hơnăm hdrối, tơrŭm Việt Nam ƀă Khu lâp kong têa pơtối mơnhông, mot trâu hơngế. Rôh lăm pêi cheăng kố dêi kăn xiâm hnê ngăn tơnêi têa mơhno troăng tơpui kâ tơniăn krê, hên kơvâ, hên tơdroăng ƀă tơrŭm cheăng ƀă kong têa ê tŭm têk. Kăn xiâm hnê ngăn tơnêi têa tiô tối hdrối kô veăng ai mâ a leh tơbâ 80 hơnăm mơjiâng Khu lâp kong têa ê, tơpui a Rôh hôp tơpui tơno tơdjuôm ƀă Tơdroăng ki kal dêi lâp plâi tơnêi ‘na pêi pro hbrâ ví hyôh kong prâi, tơdrêng amê hlối ai mâu rôh trâm mâu kăn pơkuâ mâu khu tơrŭm kong têa ê ƀă hên kong têa.