A tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah Kăn pơkuâ kong pơlê kân South Australia, jâ  Frances Adamson dế ai rôh lăm pôu pêi cheăng a Việt Nam. A rôh tơdah , pôa Nguyễn Xuan Phúc, Ngế pro xiâm hnê ngăn tơnêi têa tối, Việt Nam đi đo ngăn nhoăm mơdêk tơrŭm cheăng ƀă Australia, môi tơnêi têa tơrŭm cheăng ki kal dêi Việt Nam a Peăng hdroh Thái Bình Dương, ƀă xuân cho kong têa tơrŭm cheăng tŭm tơdroăng dêi ASEAN.

Kăn xiâm hnê ngăn tơnêi têa khĕn kơdeăn khât tơdroăng cheăng dêi mâu kong pơlê kân Australia pêi ahdrối cho mơdêk tơrŭm cheăng ƀă Việt Nam; mâu kong pơlê péa tơnêi têa mơ-eăm tăng rôh ki tơ’lêi mơdêk tơrŭm cheăng;  ƀă Việt Nam; tung mê, kong pơlê kân South Australia tơrŭm ƀă kong pơlê Nghệ An, Pơlê kong kân Đà Nẵng ‘na hnê hriâm. Kăn xiâm hnê ngăn tơnêi têa xuân pâ thế kong pơlê kân South Australia po rơdâ tơrŭm hên kong pơlê ki ê dêi Việt Nam; hlối séa ngăn rĕng po  Ƀơrô teăng mâ -‘no liăn cheăng a Việt Nam.