Kơxo lơ 10/11, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng tơdah jâ Sisay Leudetmounsone,  Ngế cheăng tung Khu xiâm kăl kí, Kăn xiâm hnê ngăn Đảng, Ngế pơkuâ khu tơrŭm cheăng xiâm Đảng Nhân yân Kăch măng Lếo ƀă mâu Kăn xiâm Khu Tơrŭm cheăng tíu xiâm Lếo dế pôu pêi cheăng a Việt Nam. A rôh tơdah, pôa Nguyễn Xuân Phúc, Kăn xiâm hnê ngăn tơnêi têa tối, Việt Nam đi đo mơ-eăm pơtối tŏng kum Lếo tơkâ luâ mâu tơdroăng xơpá pơloăng mơnúa, chôa mơdêk tơniăn, ‘mâi mơnhông cheăng kâ, rêh ối.

Klêi mê, tối nhên, hơnăm 2022 ai pơxúa kal ƀă hên tơdroăng hdró ton nah tung tơrŭm cheăng péa tơnêi têa, jâ Sisay Leudetmounsone ăm ‘nâi, péa pâ hiăng tơrŭm hên tơdroăng pêi pro ai pơxúa khât, veăng ‘no hnoăng mơdêk tơrŭm cheăng tơdjuôm, tơdrăng, môi tuăn dêi rơpó malối pơla péa Đảng, péa tơnêi têa ƀă kuăn pơlê péa tơnêi têa. Jâ Sisay Leudetmounsone tối kô rơtế ƀă mâu rơxông mâu kăn xuân môi tiah rơxông hơnăm ối nếo dêi Lếo pơtối rak tơniăn ƀă mơdêk tơrŭm cheăng tiah hmâ tơniăn lĕm pơla péa Đảng, péa tơnêi têa.