A mâu rôh trâm mâu kăn xiâm, péa pâ hiăng vâ môi tuăn mơ-eăm mơnhông tơrŭm kong têa achê dêi rơpó tơniăn lĕm, tơrŭm tơrôa tiah hmâ, tơrŭm tung tŭm tơdroăng cheăng, krá tơniăn ton hơnăm pơla Việt Nam - Kul pơtối trâu rơdâ, xua vâ pro pơxúa dêi kuăn pơlê péa tơnêi têa. pôa Heng Samrin, Kăn xiâm hnê ngăn Kuô̆k hô̆i hâk mơnê tơdroăng hiăng pêi klêi hneăng hôp tơpui tơno hdrối pơla péa Ngế pro xiâm hnê ngăn ƀă tơdroăng kĭ tơhrâ châ 11 tơdroăng tung hlá mơ-éa tơrŭm cheăng rôh kố; khĕn kơdeăn khât tơdroăng tơrŭm pơla péa Chin phuh Việt Nam - Kul tung mâu tơdroăng cheăng malối tung tơdroăng tâp tơneăn hdró tíu tơkăng kong a tơnêi.

Pôa Phạm Minh Chính tối nhên tơdroăng thăm tơrŭm ôh tá la lâi pơtê vâ thăm tơrŭm ƀă kong têa achê hlối tơrŭm tŭm tơdroăng cheăng pơla Việt Nam - Kul cho tơdroăng kal vâ dêi péa tơnêi têa. Ngế pro xiâm hnê ngăn tơnêi têa púi vâ Kuô̆k hô̆i, Chin phuh Kul pơtối tơmâng veăng kum tơdroăng mơdêk tơrŭm cheăng kâ pơla péa tơnêi têa tơxâng ƀă tơmeăm ai hlâu ƀă tơdroăng tơrŭm lê̆m pơla péa tơnêi têa.