Hơnăm 2025 cho hơnăm apoăng Khu xiâm pêi cheăng tiô troăng pêi cheăng nếo klêi kơ’nâi tơmot chiâng môi, tâi tâng tơdroăng cheăng tâk rơdêi, tơdroăng pơkuâ po rơdâ, tâi tâng hên kơvâ kân, ôh tá tơniăn. Khu xiâm hiăng tơkŭm hnê mơhno hnoăng cheăng ki xiâm, châ tơƀrê hên má môi, tung mê, ai tơdroăng kêi đeăng ăm rơxế prôk lăm troăng kân ăm phêp rơxế kơtâu têi peăng Kơnhŏng – Peăng Hdroh ing Cao Bằng troh Cà Mau.

Tiô tối hdrối troh mơ’nui hơnăm 2025 troăng prôk 3.345 km troăng kân ki xiâm. Ngế pro xiâm hnê ngăn tơnêi têa kheăn kơdeăn veăng gum dêi kơvâ tung mơnhông hngêi trăng, troăng klông, hngêi ối pơlê pơla, mơjiâng hngêi trung hriâm kơpong tơkăng kong, tíu kơdrâm kuăn pơlê rêh ối tiô rơxông nếo, mơjiâng thôn pơlê nếo, têa tah hngêi pơtân, hngêi xi kơchoh.

Ngế pro xiâm hnê ngăn tơnêi têa tối rơdêi, hơnăm 2026 pơkâ cho kân, tung mê tơtêk thế châ kơlo 2 kơxô̆, xua mê, kơvâ mơjiâng thế mơ-eăm tơtêk 2 kơxô̆. ‘Na tơdroăng tơkêa bro troăng kân ăm phêp rơxế kơtâu têi troăng Peăng Kơnhŏng – Peăng Hdroh, Ngế pro xiâm hnê ngăn tơnêi têa pơkâ thế: tung khế 12 kố vêh séa ngăn tơdroăng vâ khế 1/2026 rah xo troăng mơ’no liăn hceăng, rah kŏng ngê̆; pêi tâi tâng tung khế 1/2026 thế rah châ troăng pêi mơ’no liăn cheăng.