Kơxo lơ 19/4, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp má 4 dêi Khu hnê mơhno Hơ’lêh chêh mơ-éa tơtro ƀă tơdroăng hơ’lêh kơxô̆ ƀă tơbleăng kơlo kơxô̆ hâk ro ‘na tơdroăng kum tơdroăng cheăng chêh pro mơ-éa hơnăm 2022, kơlo kơxô̆ hâk ro ‘na kơxô̆ hơ’lêh chêh pro mơ-éa hơnăm 2022 dêi Chin phuh. Tơpui a rôh hôp, pôa Phạm Minh Chính, Ngế pro xiâm hnê ngăn Chin phuh tối nhên, hơ’lêh chêh bro hlá mơ-éa cho môi tung 03 hnoăng cheăng ki xiâm tung la ngiâ, châ Đảng, Tơnêi têa tơmâng ngăn pơkuâ, hnê mơhno, tơkŭm tơbleăng.

Ngế pro xiâm hnê ngăn tơnêi têa pơkâ thế mâu kăn prôk tơdrăng tung tơdroăng cheăng, tơpui ‘nâng ‘nâi, tro tiô tơdroăng ki kal, rak vế tơdroăng ki tơƀrê, rơkê, tơkŭm mơnhên tối, ƀai hriâm ki rơkê tung tơkŭm pêi pro hơ’lêh chêh bro mơ-éa tơtro ƀă tơdroăng ki hơ’lêh kơxô̆ kum kuăn pơlê, pêi cheăng tung tơrŭm tơbleăng pêi pro. Tơdrêng amê, hlối mơnhên tối tŭm tơdroăng ki hơ’lêh chêh bro mơ-éa tối tơdjuôm ƀă pơkâ mơ’no mâu hnoăng cheăng, troăng hơlâ pêi ki nhên vâ mơdêk hnoăng cheăng kố tung la ngiâ.