Tơpui a rôh hôp, pôa Phạm Minh Chính, Ngế pro xiâm hnê ngăn tơnêi têa hiăng tối ăm kuăn pơlê a Cần Thơ ‘na tơdroăng cheăng kâ rêh ối tơnêi têa 9 khế hdrối, mâu tơdroăng tơpui kâ dêi tơnêi têa. Ngế pro xiâm hnê ngăn tơnêi têa hiăng tiâ rơkong kơ-êng ki kuăn pơlê tối malối cho ‘na tơdroăng tơkêa 1 rơtuh ha klâng báu hmâ pêt to báu ki lĕm, kơpâu, xúa iâ trếo ‘mêi; ‘mêng tơraih tơƀai Cần Thơ, Cà Mau, Phú Quốc, pro kơno Cái Cui, hnê mâu ngế pêi cheăng rơkê kơpong tơbăng Kroăng Cửu Long.

Ƀă túa cho kăn Kuô̆k hô̆i dêi Pơlê kong kân, Ngế pro xiâm hnê ngăn tơnêi têa tơmâng tâi tâng mâu rơkong tơpui tối, tơdroăng púi vâ dêi mâu kuăn pơlê, mâu rơkong pâ thế dêi kăn pơkuâ hnê ngăn cheăng Đảng ƀô̆ Cần Thơ; đi đo tơmiât pêi tâi ivá tơná vâ veăng gum tung tơdroăng mơnhông kro mơdrŏng dêi Pơlê kong kân Cần Thơ tối krê ƀă lâp tơnêi têa tối tơdjuôm.