Roh lăm pôu pêi cheăng păng ‘nâng dêi pôa Phạm Minh Chính, Ngế pro xiâm hnê ngăn tơnêi têa troh a kong têa Ba Lan ai kơnâ kal khât ƀă tơdroăng mơdêk tơrŭm cheăng péa tơnêi têa tung la ngiâ; cho roh tơ’lêi hlâu vâ mâu khu râ kăn pơkuâ xiâm dêi Việt Nam ƀă Ba Lan trâm mâ, tơpui tơno tơdrêng ‘na mâu tơdroăng ki kal, ing mê mơjiâng hiâm mơno loi tơngah ƀă hlê plĕng dêi pó, mơhno tơkêa tung tơdroăng rak ƀă mơnhông tơrŭm cheăng ton xŏn ƀă krá tơniăn.

Tơdrêng amê gum mơdêk tơdroăng ki loi tơngah kal kí, mơdêk ƀă djâ mâu kơvâ tơrŭm cheăng tiô khôi vâi krâ nah môi tiah cheăng kâ, tê mơdró, pêi cheăng, khôi túa lĕm tro, hnê hriâm, hnê mơjiâng tuăn ngôa rơkê troh môi hneăng nếo, tơxâng pơkâ mơnhông dêi rêm tơnêi têa; mơdêk tơrŭm cheăng tung mâu kơvâ ai tơmeăm, tơdroăng ki rơdêi khoa hok kŏng ngê̆, tơdroăng nếo ki pơtâng tối, pơkeăng ƀă pơhlêh tơmiât pêi rơkê.