Rôh lăm pôu dêi Ngế pro xiâm hnê ngăn tơnêi têa hiăng ƀlêi chiâng tơniăn lĕm, châ hên tơdroăng pơkâ mơ’no ƀă hên tơdroăng tơƀrê ki kal, ai pơxúa, veăng gum ‘mâi mơnhông ƀă thăm mơdêk tơrŭm tơroâ, tơrŭm cheăng pơla pái kong têa. Kăn pơkuâ mâu kong têa mơdoh tơdroăng ki tơdah krâu, ăm kăn xiâm pơkuâ tơnêi têa pin ăm hlo tá pái kong têa pơrá ngăn nhuô̆m tơrŭm cheăng ƀă Việt Nam tung inâi “Tơmiât troh peăng mâ hâi Lo”, tơdrêng amê hlối ngăn Việt Nam cho kong têa tơrŭm cheăng ki kal xiâm a Đông Nam Á.

Mâu tơdroăng ki châ tơƀrê tung rôh lăm dêi Ngế pro xiâm hnê ngăn Chin phuh kô châ tơbleăng tơƀrê, veăng gum ăm tơrŭm tơroâ ƀă tơrŭm tŭm têk pơla Việt Nam ƀă UAE, Saudi Arabia ƀă Qatar rế hía rế mơnhông tŭm têk, trâu hơngế, pro pơxúa ăm kuăn pơlê, khu mơdró kâ péa pâ, veăng gum ăm tơdroăng ki hơniâp lĕm, tơniăn ƀă mơnhông dêi kơpong ƀă a kong têa ê xuân môi tiah veăng gum ăm Việt Nam krá rơdêi mot tung chal nếo, chal ki mơ-eăm tơná dêi hdroâng mơngế.