Vâ mơdêk tơrŭm cheăng pơla Việt Nam ƀă OECD rế hía rế păng ‘nâng, châ tơƀrê tâ, Ngế pro xiâm hnê ngăn tơnêi têa tối Việt Nam vâ hriăn plĕng veăng OECD ƀa pơkâ thế Kăn xiâm chêh tôm xo rơkong hnê mơhno mâu Khu cheăng dêi OECD tối ăm dêi pó túa ki rơkê tơtro, hnê mơhno troăng hơlâ tŏng gum Việt Nam mơdêk ivá tơbriêt cheăng, tơmiât la ngiâ tơdroăng tơxâng mâu pơkâ ki kal lâp plâi tơnêi dêi OECD; tŏng gum Việt Nam pêi kêi đeăng ƀă tơbleăng cheăng kâ ki kal vâ pro xiâm kối séa ngăn ai pơxúa ăm tơdroăng pơkâ mâu troăng hơlâ mơnhông ton xŏn dêi Việt Nam.

Ngế pro xiâm hnê ngăn tơnêi têa pơkâ OECD môi tuăn, tŏng gum vâ Việt Nam tơxâng mâu pơkâ, troăng pêi, tơmiât la ngiâ tơdroăng ki veăng mot tung OECD, ing mê pơtối mot tơrŭm trâu hơngế tâ tung cheăng kâ lâp plâi tơnêi ƀă veăng tơlo hên tâ ăm pơlê pơla lâp plâi tơnêi, xua hơniâp lĕm, tơrŭm cheăng, mơnhông tung lâp plâi tơnêi.