Ngế pro xiâm hnê ngăn tơnêi têa tối rơdêi, tơdroăng hbrâ mơdât tơnăng ká xi xŏng ôh tá tro luât IUU (Tơdroăng tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ) ôh tá xê vâ tơxâng pơkâ tê ngi kong têa ê mê ối kal khât tâ mê cho xua pơkâ troăng pêi cheăng ton xŏn, mê cho: tơniăn tăng cheăng pêi krá tơniăn ăm kuăn pơlê ƀă mơnhên inâi dêi tơnêi têa.

Vâ pêi pro pơkâ kố, pôa Phạm Minh Chính, Ngế pro xiâm hnê ngăn tơnêi têa tối ăm ‘nâi, Chin phuh Việt Nam hiăng pêi pro kơtăng hên khu troăng pêi môi tiah kêi đeăng pơkâ pêi; thăm tơmâng xo mâu tơdroăng pơkâ thế ing Vi ƀan Châu Âu (EC) vâ tah lôi mâu tơvâ tơvân ‘na luât. Tơkŭm po pơkuâ ƀă séa ngăn, mơdêk pơhlêh xúa kŏng ngê̆, ƀă ‘noăng chư chêh kuăn pơlê ƀă pơkuâ plong tuk ƀă xúa kơmăi séa ngăn troăng prôk (VMS).  Pakĭng mê, pêi pro luât, pơxâu phâk kơtăng, săm tối mâu tơdroăng pro xôi mot tơnăng ká xi xŏng kơpong têa kơxĭ kong têa ê ƀă tơnăng ká xi xŏng ôh tá tro luât.