Klêi tăng ngăn a tíu tê vĕ rơxế lơtreng Đồng Đăng, Lạng Sơn, pôa Tô Lâm tối, tơrŭm cheăng pơla Việt Nam - Sinuâ tung kơvâ pro troăng rơxế lơ treng cho tơdroăng ki kal cho rôh tơ’lêi, tâng pêi lĕm tro, rak ngăn tro tơdroăng, kô cho môi tung mâu tơdroăng tơrŭm ai pơxúa, tơbrê pơla péa tơnêi têa tung hên hơnăm la ngiâ.

Tung la ngiâ, vâ tơbleăng pêi tơƀrê mâu troăng rơxế lơ treng, Kăn xiâm pơkuâ hnê ngăn Đảng tối, kal tăng hên liăn ngân, mơjiâng pro luât mơhnhôk tăng liăn hên túa krá tơniăn ton, tơdjuôm ƀă hên kơxô̆ liăn ki ê pơrá phá. Tối pơchân ‘na ki tơ’lêi chiâng troăng chơ tơmeăm, Kăn xiâm pơkuâ hnê ngăn Đảng pơkâ thế pro mâu troăng rơxế lơ treng ki kal rơtế ƀă pơkâ mâu kơpong hngêi kơmăi, kơphô̆, Tíu xiâm Logistic ƀă kơpong pêi cheăng kâ, vâ pê lo hên mâu tơmeăm ai pơxúa ki nếo hlối mơdế ki pơxúa tâk tung tơnêi têa.