Tơpui a rôh hôp, pôa Vladimir Putin, Kăn xiâm pơkuâ kong têa Rusi koh hâk mơnê kơ pôa Phạm Minh Chính, Ngế pro xiâm hnê ngăn tơnêi têa pin rơtế ƀă khu kăn xiâm Việt Nam ki veăng hôp a Rôh hôp. Péa pâ môi tuăn hlo tơrŭm cheăng tung la ngiâ tŭm têk tung pơla hdrối nah ôh tá la lâi pơtê châ ‘mâi mơnhông tá ki rơdâ ƀă ki trâu hngế; mâu rôh lăm pôu, mâu rôh trâm mâ khu râ kăn malối cho khu râ kăn xiâm hlo phiu ro khât; kơxô̆ liăn châ xo ing tê tơmeăm pơla péa pâ tâk rơdêi.

Péa ngế kăn xiâm tối tiah kố, tơdroăng kố tá hâi pêi pro châ tơdroăng pơkâ mơ’no, kal tơrŭm krá tơniăn tâ nếo vâ tơbleăng tơƀrê tơrŭm cheăng, malối cho tung kơvâ cheăng kâ, tê mơdró, ‘no liăn cheăng, ôm hyô. Pôa Phạm Minh Chính, Ngế pro xiâm hnê ngăn tơnêi têa prế pôa Vladimir Putin, Kăn xiâm pơkuâ kong têa Rusi xuân tơpui tơno mâu troăng pơkâ ƀă troăng pêi ki nhên mơdêk tơƀrê tơrŭm cheăng tung mâu kơvâ cheăng ki ê môi tiah khoa hok – kong ngê̆, hnê hriâm – hnê cheăng pêi, troăng prôk.