A rôh trâm, pôa Phạm Minh Chính, Ngế pro xiâm hnê ngăn tơnêi têa tối mơnê hiâm mơno ƀă tơdroăng ki môi tuăn rơdêi dêi pôa Joe Biden, Kăn xiâm pơkuâ kong têa ƀă tơdroăng ki mơnhông tơrŭm cheăng Việt Nam - Mih ƀă púi vâ tung la ngiâ ah, maluâ a tíu cheăng ki lâi, pôa Joe Biden - Kăn xiâm pơkuâ kong têa xuân pơtối môi tuăn ƀă veăng gum ai pơxúa ăm tơrŭm pơla péa pâ.

Phiu ro châ trâm pôa Phạm Minh Chính, Ngế pro xiâm hnê ngăn Chin phuh, pôa Joe Biden, Kăn xiâm pơkuâ kong têa tối nhên Ngế pro xiâm hnê ngăn Chin phuh cho môi ngế pú ki lĕm dêi Mih. Pôa Joe Biden tối ro drêng hlo tung hneăng cheăng dêi tơná, péa tơnêi têa hiăng mơdêk tơrŭm cheăng râ tơnêi têa tơrŭm cheăng tung la ngiâ tŭm têk ƀă tối nhên đi đo môi tuăn ăm tơrŭm cheăng Mih - Việt Nam ôh tá la lâi pơtê mơnhông.

Xuân tung Rôh po hôp, pôa Phạm Minh Chính, Ngế pro xiâm hnê ngăn Chin phuh hiăng ai hên rôh tơpui tơno tơdrăng ƀă Kăn pơkuâ mâu kong têa Malaysia, Ăng-glê, Italia, Thổ Nhĩ Kỳ, Bồ Đào Nha, Mexico, Nam Phi, Angola, Tanzania, Qatar ƀă Saudi Arabia.