Tơpui a rôh trâm mâ, pôa Phạm Minh Chính, Ngế pro xiâm hnê ngăn tơnêi têa tối nhên, kố cho rôh vâ mơnê, ô eăng mâu khu mơdró kâ, khu ngế ki tê mơdró hiăng veăng gum tung hnoăng cheăng kăch măng dêi tơnêi têa.

Ngế pro xiâm hnê ngăn tơnêi têa tối tiah kố rôh trâm mâ kố kô châ tơmâng hên mâu rơkong tơpui ki rơkê plĕng, hnoăng cheăng pôu râng, tơdrăng ing hiâm mơno dêi mâu kăn vâ chin phuh, Ngế pro xiâm hnê ngăn Chin phuh ai tơ’nôm tíu mơjiâng ƀă pơkâ mâu tơdroăng pơkâ tŏng gum pro tơ’lêi hlâu ăm liăn ngân, pro tơ’lêi hlâu má môi vâ mâu khu mơdró kâ Việt Nam mơnhông tơƀrê, khu mơdró kâ Việt Nam mơnhông rơdêi, veăng gum hên tâ nếo tung hnoăng cheăng mơjiâng ƀă rak vế Tơnêi têa Việt Nam xah hô̆i chuh nghiah. Tung tơdroăng “rơtế pêi, rơtế ƀlêi chiâng, rơtế pơxúa ƀă rơtế mơnhông; rơtế hơniâp ro, tơdroăng ki hơniap ro ƀă tơdroăng ki hâk tơngăm”.