Kố cho rôh apoăng Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng hôp to mâu râ kăn ngăn ‘na tơpui nâl Pơhlăng ƀă ai ƀai pơchuât ki kal, veăng mơnhông tơƀrê tâ nếo tơdroăng tơpui ‘na môi Việt Nam ‘nâi hbrâ rơnáu, kơhnâ, ‘nâi hnoăng cheăng dêi tơná ƀă đi đi vâ rơtế ƀă mâu kong têa tung lâp plâi tơnêi hbrâ ví mâu pơloăng mơnúa, veăng ‘no hnoăng a tung la ngiâ ‘’ hơniâp lĕm, tơrŭm tơrôa, môi tuăn dêi rơpó ƀă mơnhông krá tơniăn’’, xuân môi tiah pơkâ ki hneăng hôp tơmiât vâ pêi.
Tung pơla mê hneăng lăm pôu khât kong têa Pơhlăng tối tơdroăng tơrŭm cheăng pơla péa tơnêi têa rế rơdâ tâ nếo, thế trâu tâ, ai pơxúa tâ, tơxâng ƀă tơmeăm ai hlâu ƀă ki rơdêi dế péa tơnêi têa a kơpong ƀă lâp plâi tơnêi... Hneăng pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa lăm pôu veăng mơnhông krá kak mâu tíu pêi cheăng xiâm, mơnhông tơrŭm pơla Việt Nam ƀă Pơhlăng ƀă mâu kong têa ki tơpui nâl Pơhlăng.
Viết bình luận