A hneăng hôp mơdêk mơ’no liăn cheăng roh kố, kong pơlê Bến Tre krếo 32 tơdroăng tơkêa bro mơ’no liăn cheăng tung mâu kơvâ cheăng: kơmăi kơmok, mơjiâng ƀă tê mơdró hngêi trăng, troăng klông mâu khu, kơpong hngêi kơmăi kơmok, têa châu têa kơxăng, hyôh ki chiâng chếo, ôm hyô, pêi chiâk deăng – thôn pơlê, kong prâi, kơno tuk, kơpong tíu kuăn pơlê rêh ối tê mơdró kơdrâm, kơpong kuăn pơlê rêh ối.
Xông tơpui a hneăng hôp, pôa Nguyễn Hòa Bình, Ngế pro xiâm phŏ hnê mơhno má môi Chin phuh kheăn kơdeăn mâu tơdroăng mơ-eăm dêi Đảng ƀô̆, khu râ kăn pơkuâ tung tơdroăng mơhnhôk mơ’no liăn cheăng tung pơla kố nah. Tiô Ngế pro xiâm phŏ hnê ngăn tơnêi têa tung la ngiâ, Bến Tre kal pêi tơtro mâu pơkâ pêi, troăng hơlâ, luât dêi Đảng ƀă Tơnêi têa; ƀă tơdroăng pêi pro mâu Pơkâ dêi Tơnêi têa, Đảng ƀô̆ kong pơlê; tơkŭm pêi pro châ tơƀrê Pơkâ pêi, tơniăn tơdâng tơ’mô, tơtro ƀă pơkâ pêi tâi tâng tơnêi têa, pơkâ pêi kơpong, pơkâ pêi kơvâ cheăng. Mơhnhôk tâi tâng ƀă xúa châ tơƀrê mâu kơxô̆ liăn mơ’no cheăng, mơnhông cheăng kâ – rêh ối pơlê pơla.
Viết bình luận