Kố cho môi tung mâu hngêi trung đăi hok ton ing nah ƀă ki vâi ô eăng má môi tung lâp plâi tơnêi.  Kăn xiâm pơkuâ hnê ngăn Đảng, Kăn xiâm hnê ngăn tơnêi têa sôk ro ăm ‘nâi, Hngêi trung Đại học Trinity College Dublin  dế tơbleăng hên tơdroăng tơrŭm hnê ƀă mâu hngêi trung đăi hok, viê̆n hriăn plĕng Việt Nam.

Hrĭng ngế thai cô râ kân hnê mâu sinh viên Việt Nam hiăng ƀă dế achê ƀă tơdroăng hnê hriâm ƀă tăng ‘nâi plĕng ki tơƀrê má môi râ lâp plâi tơnêi dêi hngêi trung. Kăn xiâm pơkuâ hnê ngăn Đảng, Kăn xiâm hnê ngăn tơnêi têa púi vâ, mâu tơdroăng tơrŭm hnê kô pêi châ tơƀrê tâ nếo, veăng ‘no hnoăng mâu pơkâ mơnhông ton hơnăm dêi péa tơnêi têa ƀă kô mơnhông Việt Nam - Ireland mơnhông rế tơƀrê ƀă khá tâ.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi Việt Nam ƀă Ireland  kô pơtối rơtế ƀă dêi rơpó, tơrŭm cheăng krá tâ, tơmiât pêi mâu tơdroăng kân tâ ‘na tơdroăng tơrŭm tung la ngiâ, xua vâ pro pơxúa dêi kuăn pơlê péa tơnêi têa, xua môi tơdroăng tung la ngiâ hơniâp lĕm, tơniăn, tơrŭm ƀă mơnhông a 2 kơpong ƀă tung lâp plâi tơnêi.