A roh trâm mâ tơpui tơno, pôa Phạm Minh Chính, Ngế pro xiâm hnê ngăn Chin phuh phiu ro roh lăm pôu pêi cheăng dêi Kăn xiâm hnê ngăn Kuô̆k hô̆i râ má péa kong têa Malaysia. Péa kăn xiâm pơkuâ môi tuăn ‘na mâu troăng tơrŭm cheăng ki kal tung la ngiâ vâ djâ tơrŭm cheăng péa tơnêi têa to a ‘ngêi.

Ngế pro xiâm hnê ngăn Chin phuh pơkâ thế péa tơnêi têa pơtối thăm pro krá tơniăn loi tơngah kal kí ing thăm tơpui tơno khu râ kăn xiâm, mâu râ ƀă tung tâi tâng mâu ƀâng; mơ-eăm djâ pêi lo liăn tê mơdró pơla péa pâ châ 18 rơtal dollars tiô troăng tơdâng tơ’mô; pro tơ’lêi hlâu tê rôe ngi kong têa ê mâu tơmeăm péa pâ ai ƀă ki rơdêi; pơkâ thế Malaysia tŏng gum Việt Nam mơnhông kơvâ kơmăi kơmok Halal ƀă rĕng kĭ mơ-éa ki kal tơrŭm cheăng tung kơvâ kố.

Péa pâ xuân môi tuăn tơrŭm krá tơniăn ƀă dêi pó ƀă mâu kong têa ASEAN ki ê mơjiâng môi ASEAN tơrŭm, môi tuăn, thăm tơrŭm ƀă khu ki ê, mơnhông hnoăng tíu xiâm tung tơleăng mâu tơdroăng kơpong; môi tuăn rak troăng tơmiât pêi tơdjuôm dêi ASEAN tung tơdroăng Biển Đông...