Ngế pro xiâm hnê ngăn tơnêi têa tối, kô cho rôh vâ pơ-eăng mâu hnoăng veăng ‘no ki kal dêi kăn ƀô̆ kơdrâi tung kơvâ cheăng tơpui kâ,  hlối tối tơdroăng tơhrâ rơdêi dế Việt Nam tung tơdroăng mơhnhôk  pôi tá pơrah kơdrâi ƀă kơnốu ƀă mơnhông veăng pêi mâu tơdroăng cheăng dêi vâi kơdrâi a tơdroăng mơjiâng môi plâi tơnêi hơniâp, tơruĭm ƀă mơngông tơƀrê.

Tung tơdroăng tơplâ ƀă mơnhông, kring vế tơnêi têa ai ta  pleăng tơná tơplâ troh hlâ, mơ-eăm, veăng ‘no hnoăng, pleăng hnoăng tơná ki kal dêi vâi kơdrâi Việt Nam, mâu ngế tơpui kâ dêi vâi kơdrâi tơniăn krê, tơniăn, tơtô ăm tơnêi têa, kuăn pơlê. Ngế pro xiâm hnê ngăn tơnêi têa pơkâ thế Ngế tơpui kâ pro hlâu tâ nếo ăm mâu kơdrâi ki tơpui kâ pêi tro hnoăng cheăng tơná, pro lĕm  ăm hlo ƀă mâ dêi vâi pú tung lâp plâi tơnêi ‘na hiâm mơno lĕm, plâi nuih lĕm ‘nâi pâ kơ tơmối dêi vâi kơdrâi cheăng tơpui kâ; pakĭng mê, rêm ngế kơdrâi cheăng tơpui kâ kô mơhno ki rơkê ƀeăn tơná, pêi cheăng lĕm vâ rơtế ƀă dêi rơpó djâ plâi tơnêi xông prôk tiô troăng hơniâp, tơrŭm ƀă mơnhông tơbrê.