Hôp tơkŭm krâm khu cheăng khoa hok, khu tăng ‘nâi plĕng, mâu kăn mâu tíu hnê rơkê khoa hok, tíu xiâm hriĕn plĕng, hngêi trung đăi hok tung lâp tơnêi têa. Mâu tham luận chêh tơkŭm a pái khu tơdroăng kal: Ai pơxúa ton nah ƀă ƀai hriâm ing kăch măng khế tơheăm hơnăm 1945; Huế tung Kăch măng Khế Tơheăm; hnoăng cheăng mâu lêng, khu tơrŭm cheăng a Huế.

Hên tham luận chêh tơdroăng: Kăch măng khế Tơheăm ƀă púi vâ troh hơniâp ro dêi hdroâng mơngế Việt Nam”, “ plâ ƀlêi trâng dêi troăng hơlâ ƀă ivá rơdêi tâi tâng kuăn pơlê”, “Tơbleăng Tơnêi têa tơniăn krê - mơhno hnoăng pơkuâ tơniăn hlâu hlĕng, tơniăn krê dêi hdroâng mơngê”... hiăng po hên tơdroăng ăm hlo ki nếo, veăng mơnhên ăm hlo ki pơxúa ton nah ƀă nôkố dêi kăch măng khế Tơheăm.