Xông tơpui a roh hôp tơpui tơno, pôa Phạm Minh Chính, Ngế pro xiâm hnê ngăn tơnêi têa tối ăm ‘nâi nếo ai roh tơpui tơno châ tơƀrê ƀă Kăn xiâm pơkuâ Brazil - pôa Luiz Inácio Lula da Silva, péa pâ hiăng môi tuăn mơdêk tơrŭm péa tơnêi têa chiâng Khu tơrŭm cheăng ton xŏn. Ngế pro xiâm hnê ngăn tơnêi têa tối ăm ‘nâi, Việt Nam mơnhên troăng prôk la ngiâ mơhnhôk mơ’no liăn cheăng ai rah mâu tơdroăng tơkêa bro kŏng ngê̆ rơxông nếo, ai kơnâ tâk hên, ai tơdroăng ki troh lâp lu, tơdjêp ƀă khu tê mơdró tung tơnêi têa; kơjo mâu tơdroăng tơkêa bro ối tung mâu kơvâ, kơvâ khoa hok kŏng ngê̆, pơhlêh nếo tơmiât pêi rơkê.

Ngế pro xiâm hnê ngăn tơnêi têa tối péa pâ kal mơdêk rĕng pơlê pơla tơpui tơno pơkâ tê mơdró tơniăn krê pơla Việt Nam ƀă Khu kơchơ mơdró tơdjuôm Nam Mih, pơkâ mơhnhôk ƀă tŏng gum mơ’no liăn cheăng, pơkâ ‘na mơ-éa mơnhên ƀă Brazil séa ngăn mơnhên pơkâ cheăng kâ kơchơ mơdró dêi Việt Nam.

Ngế pro xiâm hnê ngăn tơnêi têa pơkâ thế mâu khu tê mơdró tŏng gum mơjiâng pro tíu mơ’no liăn cheăng phuâng lĕm, tơ’lêi hlâu, mơnhông mơdêk tâi tâng tơmeăm ki ai hlâu.