A hneăng hôp tơpui tơno, péa Ngế pro xiâm hnê ngăn tơnêi têa phiu ro tơdroăng ki loi tơngah tung tơrŭm mơ’no liăn cheăng, tê mơdró. Troh nôkố, kơxô̆ liăn kĭ a kong têa Kul châ lối 2,93 rơtal dollars. Kul đi đo ối má 2 tung 78 kong têa ƀă kơpong ai mơ’no liăn cheăng dêi khu tê mơdró Việt Nam. Việt Nam xuân pơtối rak ối má môi ASEAN ƀă tung top 5 kong têa mơ’no liăn cheăng kân a kong têa Kul. Xông tơpui a hneăng hôp tơpui tơno dêi kong têa Kul dế châ pơ’lêh ing tơdroăng tơbleăng ăm pêi pro Luât mơ’no liăn cheăng nếo ƀă Luât kơpong krê cheăng kâ.

Ngế pro xiâm hnê ngăn tơnêi têa xuân kheăn kơdeăn pơkâ thế mâu khu mơ’no liăn cheăng, mâu khu tê mơdró Việt Nam ƀă Kul tơkŭm mơngế, thăm pêi pro rĕng tơdroăng pêi pro mâu tơdroăng tơkêa bro mo’no liăn cheăng, rak tơniăn tro tiô pơkâ, dâi lĕm; pêi tiô kơtăng luât péa tơnêi têa.

Tơdrêng amê mơdêk hnoăng cheăng pơlê pơla ƀă pơlê pơla, mơjiâng cheăng pêi ƀă pêi lo liăn tơniăn, rak vế kong prâi ƀă pêi pro troăng hơlâ rêh ối pơlê pơla, kum tung tơdroăng mơnhông mơdêk dêi péa tơnêi têa.