Xông tơpui a roh tơpui tơno, pôa Phạm Minh Chính, Ngế pro xiâm hnê ngăn tơnêi têa kơbông krếo mâu kong têa kal ai tơdroăng khŏm mơ-eăm kal kí hên tâ, kơxô̆ liăn kân, tơdroăng pêi cheăng kơtăng tâ ăm mâu tơdroăng pêi, tơdroăng tơkêa bro ki nhên, kal khât, châ tơƀrê tâ.

Xua xăm kơklêa kơdroh kơtiê ôh tá xê ai kơnâ ‘na ki rơkê, mê ối cho môi tung mâu tơdroăng xiâm ki kal má môi, tơdjâk tơdrêng tơniăn hơniâp lĕm, gâk kring, tơniăn lâp plâi tơnêi. Klăng roh kố, pôa Phạm Minh Chính xuân tối mâu tơdroăng châ tơƀrê dêi Việt Nam mơtiah môi troăng pêi ki châ tung xăm kơklêa kơdroh kơtiê.

Ing môi kong têa kơtiê kơklêa, ối pa rŏng vâi, tro tơ’nhê klêi kơvâ vâ chê 40 hơnăm tơplâ, 30 hơnăm tro mơdât, ƀă troăng pêi pơhlêh nếo, Việt Nam hiăng châ pơkâ kơdroh kơtiê hên troăng, hlối tah lôi tơdroăng ki ôh tá ai tŭm ‘na khăm pơlât, hnê hriâm, hngêi ối, têa krúa, kong prâi. Kơnôm mê Việt Nam hiăng kêi đeăng rĕng 10 hơnăm tung pêi pro mâu Pơkâ mơnhông rơpâu hơnăm dêi Khu lâp kong têa.