Tiô rơkong krếo thế dêi pôa Vương Đình Huệ, Kăn xiâm hnê ngăn Kuô̆k hô̆I, pôa Samdech Say Chhum, Kăn xiâm hnê ngăn Kuô̆k hô̆I râ má môi kong têa Kul pơkuâ djâ Khu râ kăn xiâm Kuô̆k hô̆I râ má môi kong têa Kul troh pơlê kong xiâm Hà Nội, lăm pôu pêi cheăng a Việt Nam sap ing hâi lơ  24 – 26/10.

Pôa Samdech Say Chhum, Kăn xiâm hnê ngăn Kuô̆k hô̆I râ má môi

 Kố cho tơdroăng kal kí tơpui kâ ƀă kong têa ê ki kal pơla Kuô̆k hô̆I Việt Nam ƀă Kuô̆k hô̆I râ má môi kong têa Kul  tung hơnăm 2022  cho ‘’Hơnăm tơrŭm nhŏng o Việt Nam – Kul, Kul – Việt Nam’’, klăng roh leh tơbâ 55 hơnăm Hâi mơjiâng tơrŭm cheăng tơpui kâ pơla péa tơnêi têa (24/6/1967), kum thăm rŭm, loi tơngah kal kí pơla péa Đảng, Tơnêi têa ƀă péa kơ koan mơjiâng luât. Roh lăm pôu pêi cheăng dêi Kăn xiâm pơkuâ Kuô̆k hô̆I râ má môi kong têa Kul roh kố cho roh vâ péa tơnêi têa tơpui tơno, mơnhên ‘na mâu tơdroăng châ tơƀrê pơla péa kơ koan mơjiâng pro luât tung pơla kố nah, kum pro tơniăn ƀă thăm tơrŭm pơla kong têa chê lĕm tro, nhŏng o tiô khôi vâi krâ nah, tơrŭm tŭm têk, krá tơniăn ton xŏn pơla péa tơnêi têa.