Lâm Đồng ai 1,5 rơtuh pơ’leăng mâ kuăn pơlê, 47 hdroâng kuăn ngo, tung mê mơngế hdroâng kuăn ngo châ 24,5%. Mâu hơnăm hiăng hluâ, kơnôm tơdroăng tơmâng mơ’no liăn cheăng dêi Đảng ƀă Tơnêi têa ‘na rêm tơdroăng cheăng, tơdroăng rêh ối kế tơmeăm khoăng ƀă hiâm mơno dêi kuăn pơlê tung kong pơlê tối tơdjuôm, kuăn pơlê hdroâng kuăn ngo tối krê rế hía rế pơhlêh tơdroăng rêh ối.

Ki rơhêng vâ tối, roh mơhnhôk ‘’Tâi tâng kuăn pơlê tơrŭm môi tuăn mơjiâng thôn pơlê nếo, tíu kơdrâm kuăn pơlê rêh ối rơkê’’ hiăng djâ châ tơƀrê kal khât. Troh nôkố, pêi lo liăn tơdâng ko mơngế tung kơpong hdroâng kuăn ngo Lâm Đồng hiăng châ 45 rơtuh liăn/hơnăm, kơxô̆ rơpŏng kơtiê hên kơvâ kơdroh u ối 3,2%. Lâp kong pơlê ai 353 khu tê mơdró xua mơngế hdroâng kuăn ngo pơkuâ, ƀă tâi tâng kơxô̆ liăn mơ’no 2.800 rơtal liăn; lối 50 tôh tơrŭm cheăng, Khu tơrŭm cheăng tung mâu kơvâ; 13 tơmeăm OCOP dêi mơngế hdroâng kuăn ngo châ pơkâ 3 hơlŏng.