Kố cho rôh vâ mâu kăn xiâm APEC trâm mâ, tơpui tơno rơtế ƀă mâu kăn xiâm dêi rơpâu khu mơdró kâ má môi châu Á - Thái Bình dương ‘na troăng mơnhông tơƀrê nếo, rôh ki vâ pơloăng mơnúa pơkâ  ƀă kơpong ƀă tối tuăn tơmiêt, troăng hơlâ ki tơƀrê ăm tơdroăng tơrŭm ƀă mơnhông tơƀrê.

Tơbleăng a hneăng hôp, pôa Lương Cường tối nhên mâu khu mơdró kô ai hnoăng veăng ‘no tơƀrê tung mâu tơdroăng, mê cho djâ troăng a hdrối tung pơ’lêh nếo tơdroăng tê mơdró, pêi pro tiô troăng hơlâ ngiât lĕm pơ’lêh kơxô̆...; mơdêk ‘no liăn cheăng tăng ‘nâi plĕng ƀă mơnhông tơƀrê, mơdêk ki mơnhông tơƀrê ƀă xúa mâu kŏng ngê̆ ki tơƀrê tăng troăng mơnhên mâu tơdroăng kal pêi tơdrêng dêi lâp plâi tơnêi.

Pôa Lương Cường - Kăn xiâm hnê ngăn tơnêi têa tối Việt Nam mơ-eăm pơtối rak luât pơkâ, troăng rơhlâ ki má môi,  tơdroăng tơniăn, pơkuâ, ing ivá mơ-eăm, hên troăng, hên túa pơhlêh nếo, xua vâ hơniâp lĕm, tơrŭm ƀă mơnhông tơƀrê.