Ngế pro xiâm hnê ngăn tơnêi têa pơkâ thế Lạng Sơn prôk ahdrối tung pêi pro tíu tê mơdró ngi kong têa ê rơkê a Tíu tê mơdró ngi kong têa ê Hữu Nghị ƀă pro kân 14 hơlâ troăng rơxế ƀă kơ’nâi mê pơtối po rơdâ a mâu tíu tê mơdró ngi kong têa ê, kong pơlê ki ê; khu râ kăn pơkuâ mâu kong pơlê thăm tơpui tơno ƀă peăng Sinuâ vâ pêi pro tiô môi tuăn hiăng châ tơƀrê dêi khu râ kăn pơkuâ xiâm 2 kong têa.

Khu xiâm pơkuâ liăn ngân tơdâng kơxô̆ liăn ngân vâ xing xoăng ăm hnoăng cheăng mơjiâng tíu tê mơdró ngi kong têa ê rơkê pơla Lạng Sơn ƀă Quảng Tây (Sinuâ); mâu khu xiâm kơvâ cheăng thăm veăng, pêi cheăng tâi ivá tơná. Ngế pro xiâm hnê ngăn tơnê têa tối nhên Lạng Sơn kal tơtrŏng pêi lĕm tro tơdroăng tơniăn gâk kring tơnêi têa, gâk kring pơlê pơla, mơdêk tơdroăng tơpui kâ ƀă kong têa ê, mơdêk tê mơdró ƀă dêi pó, mơdêk châ tơƀrê pêi pro luât a kơpong tơkăng kong, tíu tê mơdró ngi kong têa ê, mơjiâng troăng tơkăng kong hơniâp lĕm, tơrŭm nhŏng o, tơrŭm cheăng, mơnhông mơdêk.