Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tơpui tơno ƀă Ngế ki pơkuâ tâi tâng hnoăng New Zealand
Thứ sáu, 05:00, 14/08/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxo lơ 13/8, klêi kơ’nâi Leh tơdah kân krip châ tơkŭm po a Tíu pêi cheăng dêi ngế xiâm pơkuâ tâi tâng hnoăng, Pơlê kong kân Auckland, New Zealand, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa hiăng tơpui tơno ƀă jâ Dame Cindy Kiro, ngế xiâm pơkuâ tâi tâng hnoăng New Zealand.
A rôh tơpui tơno, péa pâ hiăng môi tuăn ăm tơrŭm cheăng tơnêi têa tơrŭm cheăng tung la ngiâ Tŭm têk Việt Nam - New Zealand mot tung hneăng ki nếo. Tung tíu ối tơrŭm cheăng ASEAN - New Zealand pơla hơnăm 2024-2027, Pôa Tô Lâm, Kăn xiâm hnê ngăn cheăng Đảng, Kăn xiâm hnê ngăn tơnêi tối rơdêi Việt Nam kô mơ-eăm tâi ivá vâ ăm tơrŭm cheăng péa tơnêi têa mot trâu hngế, ai pơxúa tâ. Ngế xiâm pơkuâ tâi tâng hnoăng New Zealand tối nhên péa tơnêi têa ôh tá xê ai hên tơdroăng ki ai hlâu tung tơrŭm cheăng pơla péa pâ mê tung tâi tâng mâu tơdroăng ki ê.
Péa pâ môi tuăn pơtối tơrŭm krá tơniăn ƀă tŏng gum dêi pó a mâu rôh hôp, veăng pro tơdroăng ki hơniâp lĕm, tơniăn, tơrŭm cheăng mơnhông tung kơpong ƀă a kong têa ê.
Viết bình luận