Teăng mâ kăn pơkuâ Đảng, Tơnêi têa, pôa Tô Lâm khĕn kơdeăn mâu hnoăng cheăng, tơdroăng ki pêi tơƀrê dêi khu lêng kring vế Kuân khu 9, tơdrêng amê, Kăn xiâm pơkuâ hnê ngăn cheăng Đảng pơkâ thế Kuân khu 9 pơtối pêi pro kơtăng trâu hiâm mơno lêng Hồ Chí Minh, troăng hơlâ cheăng lêng dêi Đảng, mơdêk ki rơkê tâi tâng, ivá rơdêi tơplâ; mơjiâng tơdroăng cheăng lêng ƀă tơdroăng gâk kring kuăn pơlê; tơkŭm mơjiâng khu lêng kăch măng, chính quy, ƀĕng ƀeăn, rơkê, ngăn nhuô̆m tơdroăng hnê pơtâp ivá, pro ngế ki rơkê ‘na pháu hnêa, kế tơmeăm hbrâ rơnáu tơplâ tung mâu tơdroăng.

Kăn xiâm pơkuâ hnê ngăn cheăng Đảng xuân pơkâ thế, khu lêng Kuân khu 9 athế pêi pro hnoăng cheăng mơhnhôk, thăm ‘mâi mơnhông tơrŭm cheăng ƀă khu lêng, mơjiâng tơdroăng cheăng ăm kuăn pơlê hâk vâ krá rơdêi.