A rôh hôp, péa ngế kăn xiâm vâ môi tuăn pơtối ‘mâi mơnhông tuăn loi kal kí, mơnhông tung tŭm tơdroăng tơrŭm cheăng péa tơnêi têa ing tơdroăng mơdêk tơpui tơno, trâm mâ tơrá mâu kăn xiâm ƀă rêm râ, a ƀâng Đảng, Tơnêi têa, Kuô̆k hô̆i hlối trâm tơpui ƀă kuăn pơlê, ing mê pơtối rak ki tơbrê mâu luât pơkâ tơpui ‘na luât tŏng gum. Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế péa pâ kal mơdêk tơrŭm, tăng ngăn, tơbleăng pêi tơbrê Tơdroăng pêi pro tơbleăng tơrŭm cheăng tung tŭm tơdroăng pơla Việt Nam - New Zealand  pơla hơnăm 2025 - 2030.

Péa ngế kăn xiâm kô pơtối mơdêk tơrŭm cheăng krâ tâ nếo tung mâu tơdroăng tung kơpong ƀă lâp plâi tơnêi rơtế vâ ‘nâi plĕng tung mâu rôh hôp hên tơdroăng, malối cho Khu lâp kong têa.