Tối mơgêi rôh pêi cheăng pôa Tô Lâm - Kăn xiâm pơkuâ hnê ngăn Đảng khĕn kơdeăn mâu hnoăng pêi tơƀrê ki Khu hnê mơhnhôk cheăng xiâm tơnêi têa hiăng châ pêi pro ing apoăng hneăng troh nôkố. Pakĭng mê tối nhên, xiâm dêi tơdroăng hnê mơhnhôk pro tơ’lêi hlâu tro tuăn kuăn pơlê krá kak.

Kăn xiâm pơkuâ hnê ngăn Đảng pơkâ thế tung la ngiâ kal môi tuăn dêi pó ‘na tơdroăng kal ƀă pơkâ thế pơhlêh rơdêi tơdroăng hnê mơhnhôk cheăng tơdâng ƀă hnoăng cheăng pêi tung mâu hơnăm pơ’lêh nếo vâ mơhnhôk tăng ivá ki rơdêi dế kuăn pơlê, mơnhông Tơnêi têa xông tiô xơxông nêó, mâu hơnăm mơnhông tơná dêi kuăn pơlê mâu hdroâng mơngế ƀă pơkâ ki kân má môi cho tơdroăng hnê mơhnhôk cheăng tung mâu hơnăm nếo xua kuăn pơlê pro pơxúa tơƀrê ăm kuăn pơlê, tơleăng mơnhên tơdroăng kal vâ, púi vâ ki tơxâng dêi kuăn pơlê, pơkâ ki pơxúa tro luât, tơxâng dêi kuăn pơlê ki ahdrối, ki hdrối, thế nhoăm, pơtối rak hnoăng pro xiâm dêi kuăn pơlê, ‘mâi mơnhông rơtế tơrŭm krá khât pơlâ pơla Đảng, Tơnêi tea ƀă kuăn pơlê.