Tung mâu rơkong tơpui tối, tơpui tơno tơtro dêi mâu kăn ki veăng ai mâ a rôh pêi cheăng, tơpui mơgêi, pôa Tô Lâm, Kăn xiâm pơkuâ hnê ngăn Đảng rơkâu hâk mâu ivá mơ-eăm, mâu tơdroăng pêi pro tơƀrê dêi Khu pơtâng tối tơdroăng kal Tơnêi têa, kơvâ cheăng pơtâng tối ing apoăng hneăng hôp 13 troh nôkố.

‘Na hnoăng cheăng tung la ngiâ, pôa Tô Lâm, kăn xiâm pơkuâ hnê ngăn Đảng pơkâ thế, Khu pơtâng tối tơdroăng kal Tơnêi têa, kơvâ pơtâng tối tơdroăng kal tơkŭm pêi pro tro tâ nếo hnoăng cheăng tí tăng ‘nâi plĕng mơjiâng Đảng ‘na kal kí, hiâm mơno tơmiât, túa rêh ối, mơnhên tối cho hnoăng cheăng ki kal, pêi đi đo. Pơtối pơhlêh rơdêi, mơdêk ki rơkê plĕng, tơƀrê hnoăng cheăng tí tăng ‘nâi plĕng, ki kal cho mâu tơdroăng tơxâng cho tơdroăng tung la ngiâ, ai ivá tro, tơkŭm tâi tâng, ton xŏn, krá tơniăn tung kơvâ pơtối.

Tí tăng ‘nâi plĕng hnê mơhno pêi pro tro mâu hâi tơbâ, tơdroăng ki châ tơkŭm po ki kal dêi tơnêi têa. Tơbleăng, tơpui tơno xo rơkong tơpui dêi mâu kăn ƀô̆, đảng viên ƀă Kuăn pơlê tung hlá mơ-éa Hneăng hôp.

a