Pơxiâm po roh hôp, pôa Tô Lâm, Kăn xiâm pơkuâ hnê ngăn Đảng tối ăm ‘nâi, tơdroăng pêi pro Pơkâ 18 tung pơla kố hiăng hiăng châ tơƀrê apoăng, laga tơdroăng rah xo khu râ kăn pêi cheăng tá hâi tơdâng tơ’mô, tơkŭm hên khu râ kăn pêi cheăng dêi khu râ kăn cheăng kal kí xuân hên râ, hên tíu, tơdroăng cheăng, hnoăng cheăng ối bô bối, tá hâi nhên, xing xoăng râ, xing xoăng hnoăng tá hâi tơdâng tơ’mô, ki xêt khât, châ tơƀrê tơdroăng pêi cheăng tá hâi châ tơƀrê hên khât.

Kăn xiâm pơkuâ hnê ngăn Đảng tối nhên, tơdroăng pơhlêh nếo rah xo khu râ kăn pêi cheăng dêi khu cheăng kal kí tŭm tro mơngế, rơdêi, xêt khât, châ tơƀrê pơkâ thế kal khât dêi tơdroăng nôkố; kố xuân cho hnoăng ki kal khât châ kăn ƀô̆ đảng viên ƀă kuăn pơlê tơkôm tơdah ƀă tơdroăng tŏng kum ó rơdêi ƀă dế troh lâp lu tơdroăng môi tuăn tung lâp pơlê pơla.