Pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối nah cho kăn pơkuâ ki lĕm rơkê má môi dêi Đảng, Tơnêi têa ƀă kuăn pơlê pin, ai tâi tâng tơdroăng ki hiâm mơno lĕm, rơkê, khên tơnôu, tuăn ngôa rơkê păng ‘nâng dêi rơxông kăn pơkuâ Việt Nam rơxông pơhlêh nếo.

Tung plâ tơdroăng rêh ối pêi cheăng kăch măng dêi tơná, tơdroăng mơjiâng, pơhlêh tơtro lĕm Đảng  ƀă khu cheăng kal kí ối tíu ki kal ƀă pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối. Pôa Nguyễn Phú Trọng hiăng rơtế Khu râ kăn pơkuâ xiâm Tơnêi têa pơkâ pêi ƀă pơkuâ pêi pro ƀlêi trâng mâu troăng hơlâ ton xŏn ‘na mơjiâng, pơhlêh tung Đảng; khŏm kơtăng, mơ-eăm hbrâ mơdât chuh ngiah krê, hbrâ mơdât tơdroăng ki tơmiât ôh tá lĕm tro hiâm mơno tơmiât, hiâm mơno, troăng rêh ối, hbrâ mơdât kâ kơhveăm liăn ngân, tơdroăng ki ôh tá lĕm tung Đảng.

Kố cho roh tơplâ mơdât ‘’khu ‘mêi tung tơnêi têa’’ cho pá puât ‘nâng pêi pro ăm Đảng pin rế hía rế krúa lĕm, ó rơdêi, mơnhên hnoăng djâ troăng ahdrối, khên tơnôu, tuăn tơmiât rơkê, vâ Đảng pin cho khât ‘’cho hiâm mơno, cho rơkê’’.