Hneăng hôp châ tơdjêp tơdrêng troh 21.000 tíu hrik hyôh, ƀă lối 1,5 rơtuh ngế kăn ƀô̆, đảng viên veăng. Xông tơpui hnê mơhno, pôa Tô Lâm, Kăn xiâm pơkuâ hnê ngăn Đảng tối rơdêi, Hneăng hôp Tơnêi têa 11 cho troăng ki mơnhông kal khât tung hneăng pơhlêh nếo ki kân, mơjiâng tơdroăng ki nếo ăm tơdroăng pơhlêh nếo tâi tâng tơnêi têa; thế mơnhên khŏm mơ-eăm kal kí kân má môi tung pơkuâ, hnê mơhno pêi pro Pơkâ.

Hneăng hôp Tơnêi têa 11 mơnhên kố cho môi roh pơhlêh kân ‘na rah xo bro lế lĕm tro khu pêi cheăng tơnêi têa rah xo bro lế lĕm tro tíu pơkuâ tơnêi têa ƀă pơhlêh nếo vâ mơnhông tơnêi têa; mâu khu râ kăn pơkuâ hnê ngăn Đảng, ngế ối a ko mâu râ thế pêi achê kơtăng tung pơkuâ, hnê mơhno, hlê plĕng pêi pro ăm khu kăn ƀô̆ đảng viên.

Kăn xiâm pơkuâ hnê ngăn Đảng xuân pơkâ, mâu khu râ kăn pơkuâ hnê ngăn Đảng, khu pêi cheăng Đảng pêi pro tơdroăng kơchăng nhên, tơtro, ôh tá thâ lơ ôh tá tơdjâk pa kong, Rêm tơdroăng thế ‘măn ki pơxúa tơdjuôm dêi tơnêi têa, xua kuăn pơlê ối má môi.