Tơpui tơno ƀă mâu ki hriâm, pôa Tô Lâm hiăng tối nhên mâu tơdroăng ‘na ki hdró nếo mê, xiâm ki hdró pơkâ vâ chông djâ dêi tơnêi têa mot tung mâu hơnăm hdró ki pơxiấm nếo, mơnhông dêi hdroâng mơngế; ing mê, tơdroăng hdró ki pơxiâm pêi pro mê cho mâu hơnăm ki hdró mâu tơdroăng pêi pro ki kal lơ tơdroăng ki tơdjâk kân troh mơnhông  pơlê pơla, túa lĕm tro - kal kí- tơdroăng ki ai xêh.

Pôa Tô Lâm, Kăn xiâm pơkuâ hnê ngăn Đảng tối, rôh ki pơxiâm dêi hơnăm hdró nếo mê cho ing hneăng hôp má 14 dêi Đảng, ing mê, rêm ngế kuăn pơlê Việt Nam, hrĭng rơtuh ngế môi tiah môi, ing hnoăng pơkuâ hnê mơhno dêi Đảng, kuăn pơlê rơtế tơrŭm ivá, môi hiâm mơno, mơdoh chôu tơbriât drêng rôh ki tơ’lêi hlâu, tah ki ôh tá tro, ki pơloăng mơnúa, mơnhông djâ dêi tơnêi têa xông tơtêk, rơdêi, pêi cheăng rĕng tơƀrê.