Kơxê lơ 21/9, a Hà Nội, Grup pơkuâ Kơmăi kơmok – On tơhrik Tơnêi têa Việt Nam (Petrovietnam) tơkŭm po Leh tơbâ 50 hơnăm mơjiâng ƀă tơdah Mê dái Pêi cheăng ối má môi. Troh veăng ƀă xông tơpui a Leh tơbâ, Kăn xiâm pơkuâ hnê ngăn Đảng tối rơdêi hnoăng ki kal dêi Petrovietnam, rêm hơnăm veăng tơlo 20 – 30% tâi tâng liăn ngân tơnêi têa, kum kal khât tơniăn cheăng kâ kân, tơniăn bê on tơhrik tơnêi têa; mơnhên tíu pêi cheăng khu tê mơdró tơnêi têa apoăng mot tơrŭm cheăng lâp plâi tơnêi.

Mot hneăng nếo, Kăn xiâm pơkuâ hnê ngăn Đảng pơkâ thế Petrovietnam đi đo mơnhông khôi túa khên tơnôu vâ mơjiâng Grup pơkuâ Kơmăi kơmok - On tơhrik Tơnêi têa khên tơnôu ó rơdêi; Petrovietnam thế cho ki mơjiâng troăng pêi cheăng kơnâ kơmăi kơmok rơxông nếo, pơhlêh nếo tơmiât pêi rơkê ƀă pơhlêh xúa kŏng ngê̆ pro ki vâ mơdêk têi châ tơdroăng pơkâ.